product.title

Module 7: Mizati ya Urongozgi wa Chikhristu

Ŵarongozgi ŵa Mpingo wa Chiuta tchawanangwa chake cha Chiuta chakuzirwa chomene ku ŵanthu ŵake mu mumiwiro yose. Ukaboni wakuti Yesu wakuŵatemwa chomene ŵanthu ŵake ngwakuti waŵapa ŵapositole, ŵachimi, ŵapharazgi ŵa makani ghawemi, ŵaliska na ŵasambizgi kuti ŵanozgereske ŵanthu ŵake kwimira Ufumu wa Chiuta mu caru chakupasuka na chawukazuzi ichi, icho chili pafupi kumara (Efeso. 4:9-16). Chisambizgo ichi chikulongosora milimo na maudindo ghakupambanapambana ghakukhwaskana na mulimo ukuru na wakuzirwa uwu mu Ufumu wa Chiuta.

Sambiro ili likusanda milimo na maudindo ghakuzirwa chomene mu wuteŵeti wa mpingo. Pali maudindo ghanayi ghakuzirwa comene gha urongozgi mu Mpingo. Murongozgi wa Chikhristu nga ni Dikoni mburongozgi uwo ukupenja kwenelera kukuru chomene pa munthu wayeya udindo uwu. Uteŵeti uwu ukwenera kukolerana na maudindo na milimo ya udikoni, panji uteŵeti wa madikoni, nga ni muteŵeti, mulara wa vyuma, na movwiri pa milimo yakupambanapambana pa Mpingo. Murongozgi wa Chikhristu nga ni Mulara wa Mpingo wakulondezga ghanoghano ili kwamba ku misisi yake ya mu Chipangano Chakale mu ndondomeko ya kuteŵeta kwawo pakovwira mutempile na musinagoge, na mphara yikuru ya Sanehedirini, mupaka mu Mpingo wa Chipangano Chiphya. Chisambizgo ichi chikusambizga kuti Murongozgi wa Chikhristu nga ni Muliska kwakuyana na umo Baibulo likulongosorera nkhani ya mliska pa mulimo wake wakupwelerera mskambo. Paumaliro, Murongozgi wa Chikhristu nga ni Episkopo (Mulaŵiliri) chisambizgo ichi chikupimiska ching’anamuro chakulondezga fundo yakuti episkopo ndi mulaŵiliri, kufumira pa kachitiro ka wupu wa ŵalara mu muwuso wa Chiyuda mupaka pakukura kwake mu mdauko wa Mpingo.