Mpingo wa Chiuta mwa Yesu Khristu ngumoza mwa mawupu ghakuwuska nkhumbi chomene ndipo mutu uwu ngwakunozga chomene kuwusambira kweniso ndi mutu wakuzirwa chomene mu Mazgu gha Chiuta. Yesu Khristu wa ku Nazareth, kwizira mu umoyo wake, nyifwa yake, kuzguka kwake ku bakufwa wali kukwezgeka chomene pachanya pa vinthu vyose na kuba mutu wa banthu bake bapya, awo bali kuchemeka kumwimira pacharu na kuba bakaboni bake ba Ufumu wake uwo wuli kuvumbukwa na uwo wuchali kwiza. Kuti mupulikiske Mlimo wa Mpingo mu Ufumu wa Chiuta ntchakuzirwa chomene pa chigaba chili chose chakuba msambiri wa Yesu: Palije uyo wangaba msambiri wa Yesu panji wakuzgoka kwambura kuzomerezga ngonkhono ya Chiuta pakuponoska kwizira mumupingo wake. Kukoreska icho Chiuta wakuchita mu banthu bake na kwizira mubanthu bake kukupereka nkhongono ku barongozgi bake kuti bamwimire na vinjeru na mazaza na ntchindi zose. Mpingo ukuwonekera mundondomeko (plan) ya Chiuta iyo wakukhumba kupa ntchindi na uchindami iyo mweneko pakuponoska banthu na kupanga muwiro wupya kwizira mwa Abraham. Kwizira mukusopa, kuchitira ukaboni, na milimo yake yiweme, Mpingo mumuwiro wose ukurongora wumoza, utuba, usani wake na kujinthika ku Bapostole. Mumpingo, Chiuta wakurongora Umoyo wa Ufumu wake na kupereka uchizi wake kucharu.
