Kulije chinthu icho chawuska zimphindano, mphatukano na viwawa pakati pa bakhristu kuluska chisambizgo cha Mzimu Mtuba. Usange vingabako ipo ndivichoko chomene nkhanira. Kufumira mumphatukano izo zikabako kale lose pa makani gha utatu wa Chiuta kufikira pa makani gha ubapo wa Chiuta mpaka ku mphindano izo tili nazo sono, nga ndi ubapatizo na vyawanangwa vya Mzimu Mtuba, pali vinthu vichoko chomene ivyo bakhristu banjira navyo mumphindano nga ndi umo kapulikiskiro ka Mzimu Mtuba kabira pakati pa bakhristu. Nanga wuli pali mphindano zantheura, ndipo wuli chisambizgo cha Mzimu Mtuba chili kugona pa kapulikiskiro kithu ka umo Chiuta waliri na umo tikukhwaskikira na ubapo wake pa umoyo withu.
Visambizgo vya mu Buku ili vili na ulato wakurongora mlimo wa Chiuta Mzimu Mtuba, kwamba na ukaboni wakufumira mu Baibulo pa Chiuta Mzimu Mtuba nga ngwa chitatu mu Utatu wa Chiuta. Tambenge chisambizgo chithu na umo Baibulo likurongolera kabiro ka Mzimu Mtuba nga ndi Mzimu mweneuyo ndi Chiuta kweniso na umo wakutebetera nga ndi Chiuta. Tidumbiranengeso ubare wa Mzimu Mtuba na Chiuta Dada na Chiuta Mwana awo mbamoza ndipo Mzimu Mtuba ndiyo wakukuzga chitemwa pakati pawo kweniso pakuba chawanangwa cha chitemwa ku charu. Chakurondezgapo ntchakuti, tikulabiska pa utebeti wa Mzimu Mtuba pakuba iyo ndiyo wakupereka uvumbuzi na umanyi wa Mazu gha Chiuta, na kususka banthu kukwananga kwawo, na kubavwira kutonda kwananga na upusikizgi uwo ukwiza chifukwa cha kwananga, na kutirongozgera kukurapa. Timalizgenge chisambizgo chithu pakurongora mlimo na utebeti wa Mzimu Mtuba, utebeti wake wa Uchizi na kupereka nkhongono kubanthu awo bazgoka na kurapa. Tisambirengeso na mlimo wa Mzimu Mtuba pa chizgoka, kunjizgika mu mbumba ya Chiuta, kubapatizika, kupika vya wanangwa, kuzuzgika, kudidimizgika, na kutozgeka/kuphotoreka. Nadidi, Mzimu Mtuba wakovwira Mpingo kufiska utebeti wake kucharu.
